Contents

• Overview of the Test Site
• Test Rules

Ka nānā ʻana o ka waihona lawe hōʻike

Loaʻa na mea hana hoʻokele a me nā mea hana hōʻike. Loaʻa kekahi mau mea hana i hoʻohana ʻia no kekahi o nā hōʻike wale nō a i ʻole kekahi o nā nīnau wale nō.

ʻAoʻao lāʻana hōʻike

He ʻelua ʻano mea hana hōʻike i loaʻa:

• Mea hana puni honua: Hōʻike ʻia kēia mau mea hana puni honua nei ma luna pono o ka ʻaoʻao hōʻike ma ka papakuhikuhi puni honua.
• Mea hana papakuhikuhi pōʻaiapili ʻōlelo : Hoʻohana ʻia kēia mea hana nei me nā moʻolelo pokole, ka hoʻonohonoho ʻia ʻana o ka moʻolelo, a me nā nīnau. No ka hoʻohana ʻana i kēia mau mea hana, e kaomi ma luna o ka papakuhikuhi pōʻaiapili ʻōlelo.

Mea hana papakuhikuhi pōʻaiapili ʻōlelo	Nā wehewehe
Hoʻomohala moʻolelo pōkole	No ka hoʻomohala ʻana i kekahi ʻāpana o ka moʻolelo pōkole koho i ke kūʻono ʻihe kuhikuhi pālua ma luna iho o ka ʻaoʻao o kēlā ʻāpana. E uhi ana kēlā moʻolelo pōkole i nā nīnau i maʻalahi ka heluhelu ʻana. No ka hoʻemi ʻana i ka nui o ka moʻolelo pōkole, e kaomi hou i ke kūʻono o nā ihe kuhikuhi pālua.
Mea hana kahiāuli	No ke kahiāuli ʻana i kekahi huaʻōlelo, koho i ka huaʻōlelo i mamake ʻia ma ka papakaumaka a laila koho ia Koho kahiāuli. No ka wehe ʻana i ke kahiāuli, koho ia Hoʻonoho hou i ke kahiāuli me ka papakuhikuhi pōʻaiapili ʻōlelo mai. ʻAʻole hiki iāʻoe ke kahiāuli i ka huaʻōlelo ma nā kiʻi. Hana wale nō nā kahiāuli ma hoʻokahi hōʻike wale nō. Inā hoʻomaka hou ʻoe i kekahi hōʻike, e nalowale ana nā mea i kahiāuli mua ʻia.
Māka no ka nānā hou	No ka māka ʻana i kekahi nīnau no ka nānā hou ʻana, koho iā Māka no ka nānā hou mai ka papakuhikuhi pōʻaiapili ʻōlelo mai. Hōʻike ʻia kekahi lepe ma loko o ke ʻkūʻono ʻākau o luna. Loaʻa ka ōlelo “māka ʻia” ma nā papakuhikuhi kahe Nīnau no nā nīnau i koho ʻia.
Kahawaena	No nā nīnau me nā koho a me ka hāʻina he nui (nā koho i makemake ʻia) hiki iāʻoe ke kahawaena i nā hāʻina e makemake ʻole ʻia e ʻike, i hiki ai iāʻoe ke kau aku i kou noʻonoʻo ma luna o nā hāina kūpono a me nā hāʻina au i noʻonoʻo ai he hāʻina pololei. He elua mau koho no ka hoʻohana ʻana i kēia mea hana nei: Koho A: No ka hoʻā ʻana i ke koho Kahawaena, wehe i ka papakuhikuhi pōʻaiapili ʻōlelo a laila e koho ia Kahawaena. Koho i ka hāʻina au e makemake ai e kahawaena. No ka hoʻopio ʻana i ke koho kahawaena, kaomi i ka pihi Esc ma ka papapihi kamepiula a i ʻole kaomi i kāu iole mawaho aʻe o ka wahi pane. Koho B: Kaomi-ʻākau ma ka ʻiole ma luna o kekahi o nā koho hāʻina a koho iā Kahawaena.
Kōkua aʻo	No ka nānā ʻana i kekahi vikiō pōkole e aʻo ana iāʻoe pehea e pane ai i kekahi o nā nīnau, koho iā Kōkua aʻo mai ka papakuhikuhi pōʻaiapili ʻōlelo mai.

Nā lula o ka hōʻike

Nā lula hoʻokele hōʻike

• Hiki ʻole iāʻoe ke hōʻalo i nā nīnau ma ka hōʻike. Pono e pane ʻia nā nīnau a pau ma nā ʻaoʻao pakahi ma mua o ka neʻe ʻana aku i kekahi ʻaoʻao aʻe. Hiki iāʻoe ke māka i nā nīnau au e makemake ai e nānā hou ʻia a i ʻole inā makemake paha ʻoe e hoʻololi i kāu hāʻina, inā pono.
  • O kekahi o nā ʻaoʻao, loaʻa he mau nīnau i pūʻulu like ʻia. No laila, pono ana paha ʻoe e hoʻohana i ka ʻaukā hoʻoneʻe no ka ʻike ʻana i nā nīnau a pau ma ia ʻaoʻao.
• Hiki iāʻoe ke hoʻokele aku ma nā ʻaoʻao o ka hōʻike a pau ma ke kāomi ʻana i ka pihi I hope a me Kekahi aʻe a i ʻole ma ke koho ʻana aku i kekahi o nā koho mai ka papakuhikuhi kahe Nā nīnau ma ke kūʻono o ka ʻaoʻao hema o luna.
• Pono ʻoe waiho aku i ka hōʻike ma hope o ka hoʻopau ʻia ʻana o nā nīnau a pau au i pane aku ai.

Nā lula hoʻokū

• Hiki iāʻoe ke hoʻokū aku i nā hōʻike i nā manawa like ʻole. Haʻalele ʻia ʻoe mai ke kahua hōʻike mai inā e hoʻokū ʻoe i kekahi o nā hōʻike.
  • Inā hoʻokū ʻia ka hōʻike he mau minuke ma lalo mai o 20 minuke, hiki iāʻoe ke nānā hou i nā hāʻina au i pane aku ai.
  • Inā hala he 20 minuke o ka hoʻokū ʻia ʻana, ʻaʻole hiki iāʻoe ke nānā hou i nā hāʻina au i pane mua aku ai. O ka mea hiki wale nō, inā ua hoʻokū ʻoe i ka hōʻike ma kekahi o nā ʻaoʻao i pane ʻole ʻia kekahi o nā nīnau.
• I ka hoʻomaka hou ʻana au i kāu hōʻike mai ka hoʻokū ʻia ʻana, o ka ʻaoʻao mua loa e puka mai ana, oia no ka ʻaoʻao i pane ʻole ʻia kekahi o nā nīnau.
• Inā ʻōkuʻu wale ʻoe a ʻaʻole hana i kekahi mea ma ka hōʻike no 30 mau minuke, e hoʻokū ana ka polokalamu hōʻike i ka hōʻike, a e haʻalele pū ʻia ʻoe mai ka hōʻike mai.
• Mālama koke ʻia nā hāʻina a pau ma hope pono o ka pane ʻia ʻana o nā nīnau. Nalowale ʻole hoʻi nā hāʻina iāʻoe inā hoʻokū ʻoe i ka hōʻike.